|
|
|
|
Big Brother Albania - Çimi: “Tani më kërkojnë të gjithë, sidomos në Kosovë”
|
Ka rifilluar jetën sapo ka dalë nga shtëpia e “Big Brother” me më shumë intensitet se më parë, pasi shikon se ka shumë gjëra për të bërë, shumë plane, që mendon se duhet t’i realizojë. Dhe padyshim që pjesëmarrja në “Big Brother” do të jetë një ndihmë e madhe për të, pasi tani Çimin e njohin dhe e pëlqejnë të gjithë, madje
ai thotë se në Kosovë është shumë i pëlqyer dhe është ftuar shpesh atje për projekte të ndryshme. Siç e kemi shkruar edhe herët e tjera, Çimi ka ngritur shoqatën “Romët për Integrim”, të cilën e ka regjistruar në gjykatë vetëm pak ditë më parë, ndërkohë që ka edhe një biznes, fitimet e së cilës shkojnë në arkën e kësaj shoqate.Ndërkohë ambiciet e tij janë që të bashkojë të gjitha shoqatat e ngjashme me të tijat në një fondacion, pasi të gjithë të bashkuar mund t’ia dalin të ndihmojnë këtë komunitet të lënë pas dore. Dhe natyrisht gjithë ky impenjim nuk kishte sesi të mosbinte në sy. Shoqata “The doors”, një kooperim shqiptaro-norvegjez e vendosur në Shkodër, ka ftuar më datë 1 qershor Çimin dhe Arbana Osmanin për të qenë prezent në përurimin e një kopshti në një nga lagjet e Shkodrës. Është pikërisht ky edhe njëri nga synimet e Çimit për të ngritur disa kopshte në Tiranë për komunitetin rom dhe një donacion nga kompania Vodafone është tashmë e garantuar. Çimi e jeton me shumë intensitet ditën, aq sa thotë se nuk po arrin as të ngopet me gjumë, pasi dëshiron që të realizojë të gjithë projektet e tij. Madje, ai thotë se ka kërkuar një takim me kryebashkiakun Rama, që t’i kërkojë atij një ambient për të zhvilluar biznesin ku ka të punësuar shumë romë.
MARRËDHËNIA ME ISH BANORËT E “BIG BROTHER”
Ata janë tashmë miq dhe çdo pasdite i gjen së bashku. Ashtu siç kemi shkruar edhe herën e kaluar, janë krijuar tashmë dy grupe, ku të rinjtë kanë bërë zgjedhjet e tyre, duke preferuar të rrinë me ata me të cilët ndjehen më mirë. Çimi tashmë është shumë i lidhur me Visin dhe në të gjitha projektet ai ka bërë pjesë të rëndësishme edhe Visin. Po kështu rri shumë edhe me Inën, Julindën dhe Besartën, edhe pse kjo e fundit tani është në Kosovë dhe vjen këtu vetëm në fundjavë. I pyetur së çfarë mendon për pesëshen finaliste, Çimi thotë se në finale nuk janë ata që duhet të ishin në të vërtetë, por nuk dëshiron të komentojë më gjatë. Ai jep preferencën e tij për fituesin, duke shpresuar me gjithë shpirt që të jetë Poli.
PanoramaPlus
|
|
If you believe that this photo is your work and has been copied in a way that
constitutes copyright infringement, or your intellectual property
rights have been otherwise violated, please contact
us and provide a description of the copyrighted material that you claim
has been infringed; a description of where the material is located on the
site; (the URL); your name and email address; a statement by you that the disputed
use is not authorised by the copyright or intellectual property owner; a statement by you, made under penalty of perjury, that
the above information in your Notice is accurate and that you are the
copyright or intellectual property owner or authorized to act on the
copyright or intellectual property owner's behalf.
|
| Rate this file (No vote yet) |
|
|
|
|
|
|
